Rubaiyat. II. Versiones in Occidental segun li Rubaiyat de Omar Khayyam. A.Z.R. (=A.Z. Ramstedt)
In: Kosmoglott, annu VI, Nr. 40 (3), Mai-Junio 1927.

Mi ha videt mult sages e talentes
Per mill paroles, pruvas, argumentes,
Structer famosi turres, ma – o ve –
Li turres sempre fe cader pro ventes.

Li universe mi ha explorat,
Problemas e secretes desvelat,
A un question mi trova null response:
Quo es mi self? Pro quó II me creat?

Noi move circum, circum, quam fantomes,
Li sole es li centre e li homes
Fantastic ombras de ti grand lantern,
Creat del Mastro de li astronomes.

Su manu scri e to, quo it ha scrit,
Por sempre es nor fate definit,
E omni làcrimes e omni pregas
Ne va changear un linea de it.

Il lude chac. Su pieces – it es noi,
Li quadres noct e die, griv e joy.
Con nos II lude, chac e matt impera,
E in su bux deposi nos depoy.

Ciel – vision de satisfat desira,
Inferno – it es ver, su fo y expira
Nequande ci, ma in ti land silent,
Ex quel venit, in quel noi anc retira.